Елена Рыбакина чемпиондар бәйгесінде әлемнің бірінші ракеткасын басып озды

Фото © Tengrinews.kz / Тұрар Қазанғапов

Қазақстанның үздік теннисшісі Елена Рыбакина WTA Race рейтингінде бірінші орынға шығып, әлемнің бірінші ракеткасы Арина Соболенконы басып озды, деп хабарлайды Tengri Sport.

Қазақстанның үздік теннисшісі Елена Рыбакина WTA Race рейтингінде бірінші орынға шығып, әлемнің бірінші ракеткасы Арина Соболенконы басып озды, деп хабарлайды Tengri Sport.

Қазақстанның бірінші ракеткасы Елена Рыбакина Германияның Штутгарт қаласында өткен WTA 500 турниріндегі айқын жеңісінен кейін WTA Race рейтингіндегі орнын өзгертті.

Қазіргі таңда қазақстандық спортшы 3 983 ұпаймен көш бастап тұр.

Ол әлемнің үздік теннисшісі, беларусь спортшысы Арина Соболенконы (3 800 ұпай) екінші орынға ығыстырды. Үшінші орынға америкалық Джессика Пегула жайғасты.

Скриншот: wtatennis.com

Естеріңізге сала кетейік, Германияның Штутгарт қаласында өткен WTA 500 турнирінің финалдық матчында Қазақстанның үздік теннисшісі әлемнің 12-ші ракеткасы, чехиялық спортшыны 7:5, 6:1 есебімен жеңген болатын. Матч 1 сағат 19 минутқа созылды.

Рыбакина үш эйс жасап, қос қателікке жол бермеді және сегіз брейк-пойнттың төртеуін сәтті пайдаланған.

Instagram-дағы бұл жарияланымды көру

WTA (@wta) жарияланымы

Турнирдегі жеңісі үшін Елена Рыбакина 161 мың еуро (89 миллион теңге) сыйақы алды, сондай-ақ Porsche 911 Carrera S сары кабриолетін иеленді. Ол тіпті көлікпен корт ішінде жүріп өткен.

Instagram-дағы бұл жарияланымды көру

WTA (@wta) жарияланымы

WTA чемпиондық жарысы (WTA Race) - бұл теннисшілердің тек күнтізбелік жыл ішінде жинаған ұпайлары есепке алынатын арнайы жыл сайынғы рейтинг. Маусым қорытындысы бойынша осы рейтингтегі ең үздік сегіз теннисші жылдың қорытынды турнирі - WTA Finals-қа қатысуға мүмкіндік алады.