Елена Рыбакина Қазақстан құрамасына қатысты шешім қабылдады

Фото: LyazaTretyakova/depositphotos.com

Қазақстандық әлемнің екінші ракеткасы, теннисші Елена Рыбакина Билли Джин Кинг кубогінің финалдық кезеңіне қатысатын ұлттық құрама сапына кірді, деп хабарлайды Tengri Sport Қазақстан теннис федерациясының (ҚТФ) баспасөз қызметіне сілтеме жасап.

Шэньчжэньде (Қытай) өтетін турнирге қатысатын ұлттық құрама сапына бес спортшы кірді:

Елена Рыбакина (WTA рейтингінде №2);
Анна Данилина (жұптық сында №6);
Юлия Путинцева (WTA рейтингінде №81);
Жібек Құламбаева (жұптық сында WTA рейтингінде №115);
Соня Жиенбаева (WTA рейтингінде №735).

Айта кетейік, бейресми Әлем чемпионаты саналатын турнир 22-27 қыркүйек аралығында өтеді.

Ширек финалда біздің команда Испания құрамасына қарсы ойнайды.

Елена Рыбакина Қазақстан құрамасының кейінгі матчіне қатыспаған

Еске сала кетейік, Қазақстан құрамасы кейінгі матчін сәуірде Астанадағы өз алаңында өткізген еді. Команданың қарсыластары Канада теннисшілері болды.

Ұлттық құрама көшбасшысы Елена Рыбакина бұл ойынға қатыспады, команда капитаны мұны әлемнің бірінші ракеткасы атағы үшін күреске ден қою қажеттілігімен түсіндірді.

Рыбакинасыз-ақ команда канадалықтарды 3:1 есебімен жеңді, шешуші ұпайды Бьянка Андреескумен болған тартысты матчте Юлия Путинцева еншіледі.

Еске сала кетейік, былтыр қазақстандықтар Билли Джин Кинг кубогінің финалдық кезеңінде ойнап, ширек финалда АҚШ құрамасына жол берген болатын.