Елена Рыбакина Қытайдағы турнирдің жартылай финалына шықты

Фото: Қазақстан теннис федерациясы

Қазақстандық теннисші Елена Рыбакина Қытайдың Нинбо қаласында өтіп жатқан WTA 500 турнирінің ширек финалында әлемдік рейтингтің көшбасшысы мәртебесінде екінші жеңісіне қол жеткізді, деп хабарлайды Tengri Sport.

Жартылай финалға жолдама беретін матчте қазақстандық спортшы польшалық Катажина Кавамен кездесті. Кездесу 6:1, 3:6, 6:1 есебімен Елена Рыбакинаның жеңісімен аяқталды.

Теннисшілер кортта 1 сағат 46 минут өткізді.

Instagram-дағы бұл жарияланымды көру

WTA (@wta) жарияланымы

1/2 финалда қазақстандық әлемнің бірінші ракеткасы ресейлік Диана Шнайдермен шеберлік байқасады, ол қатар өткен матчте америкалық Ива Йовичті қапы қалдырды.

Еске сала кетейік, Рыбакина - Нинбодағы турнирдің қазіргі жеңімпазы.

Елена Рыбакина - әлемнің үздік теннисшісі

Елена Рыбакина кәсіби теннистегі жолын 2016 жылы бастап, 10 жыл ішінде WTA-ның 14 титулын жеңіп алды. Олардың ішіндегі ең ірілері ретінде Уимблдон-2022, 2025 жылғы Қорытынды турнир, Australian Open 2026 және US Open 2026 жеңістерін атап өтуге болады.

US Open турниріндегі жеңісінен кейін Рыбакина мансабында алғаш рет әлемдік рейтингтің бірінші сатысына көтерілді. Оның беларусьтік Арина Соболенкодан басымдығы 1600 ұпайға жуық.