Елена Рыбакина Римдегі сенсациясы үшін қанша табыс тапты?

Фото © Tengrinews.kz / Тұрар Қазанғапов

Әлемнің екінші ракеткасы Елена Рыбакина тартысты өткен матчте әлемдік рейтингте 10-орында тұрған украиналық Элина Свитолинаға есе жіберді. 1/4 финалдағы жеңіліс қазақстандық спортшыға шамамен 82 миллион теңге табыс әкелді, - деп хабарлайды Tengri Sport.

Әлемнің екінші ракеткасы Елена Рыбакина тартысты өткен матчте әлемдік рейтингте 10-орында тұрған украиналық Элина Свитолинаға есе жіберді. 1/4 финалдағы жеңіліс қазақстандық спортшыға шамамен 82 миллион теңге табыс әкелді, - деп хабарлайды Tengri Sport.

WTA баспасөз қызметі қазақстандықтың Свитолинадан жеңілуін күтпеген жағдай деп атап, украиналық теннисшінің жеңіске жету жолында 16 брейк-пойнтты қайтаруына тура келгенін атап өтті.

"Свитолина 16 брейк-пойнтты қайтарып, Рыбакинаны сенсациялық түрде ұтты және 2018 жылдан бері алғаш рет Римдегі турнирдің жартылай финалына шықты", - деп жазады турнирдің ресми сайты.

Айта кетейік, Свитолина мен Рыбакина арасындағы текетірес әлемдік турдың классикасына айналып үлгерді. Олар өзара сегіз рет кездесіп, әрқайсы төрт реттен жеңіске жеткен.

Бұл ретте Свитолина Рыбакинаны ең маңызды матчтерде - 2020 жылы Страсбургтегі (Франция) турнирдің финалында және 2021 жылы Токио Олимпиадасының қола жүлдесі үшін өткен бәсекеде жеңген болатын.

Римдегі турнир Рыбакинаға миллион еуро табыс әкелуі мүмкін еді

Естеріңізге сала кетейік, Римдегі WTA 1000 сериялы турнирінің жеңімпазы 1 миллион 55 мың 285 еуро мен 1000 рейтингтік ұпай иеленеді. 1/4 финалға шыққаны үшін Рыбакина 150 мың еуро (шамамен 82 миллион теңге) мен 215 рейтингтік ұпай алады.

Келесі ірі турнир - "Ролан Гаррос" - Парижде 18 мамырда басталып, 7 маусымға дейін жалғасады.