Рыбакина жанкүйерлеріне үндеу жасап, мұндай шешімге не себепті келгенін түсіндірді.
"Барлық жанкүйеріме және мені қолдап жүрген жандарға биылғы WTA қорытынды турниріне қатыса алмайтынымды хабарлау өте өкінішті. Биыл мен үшін керемет маусым болды. Алайда қазір ағзам жарысқа физикалық тұрғыдан дайын емес. Біраз уақыт үйде болып, тынығып, күш жинап, 2027 жылғы маусымға дайындаламын. WTA қорытынды турнирінің мен үшін орны ерекше. Осы аптада бақ сынайтын барлық спортшыға сәттілік тілеймін. Наурызда Индиан-Уэллске қайта оралуды асыға күтемін!" - деді қазақстандық теннисші.
Рыбакинаның орнына бірінші топта украиналық теннисші Марта Костюк өнер көрсетеді. Ол чехиялық Линда Носковамен, сондай-ақ америкалық Коко Гауфф және Джессика Пегуламен кездеседі.
WTA қорытынды турнирі 8-15 қараша аралығында АҚШ-тың Индиан-Уэллс қаласында өтеді.
Елена Рыбакина тарихи жетістікке қол жеткізді
Маусымдағы табысты өнерінің арқасында Рыбакина WTA әлемдік рейтингінде жыл қорытындысы бойынша бірінші орынды мерзімінен бұрын қамтамасыз етті. Сондықтан соңғы турнирге қатыспауы оның 2026 жылғы қорытынды рейтингтегі орнына әсер етпейді.
Бұған дейін қазақстандық теннисшілердің ешқайсы маусым қорытындысы бойынша әлемдік рейтингте бірінші орын иеленбеген.