Азиада медалі үшін Қазақстан мен Өзбекстан дзюдошылары арасындағы белдесу драмаға ұласты

Фото: ҰОК/ Нұрғали Жұмағазы

Қазақстандық дзюдошы Эсмигүл Куюлова Азия ойындарында үшінші орын үшін өткен тартысты белдесуде өзбекстандық қарсыласын жеңді, деп хабарлайды Tengri Sport.

63 келіге дейінгі салмақ дәрежесінде медаль үшін айқаста Куюлова Маржон Нуруллоевадан басым түсті.

Қарсыластар негізгі уақытта жеңімпазды анықтай алмады, алайда Golden Score кезеңінде Эсмигүл өзбекстандық спортшыны "вазари" әдісіне түсіріп, жеңісті жұлып алды.

Айта кетейік, дзюдодан Қазақстан құрамасын алда Азия ойындарының тағы екі финалы күтеді.