Еурокубок финалы: қазақстандықтар матчты қайдан көре алады

Фото: Dziurek/depositphotos.com

27 мамырдан 28 мамырға қараған түні ағылшындық «Кристал Пэлас» пен испаниялық «Райо Вальекано» Конференция лигасының финалында кездеседі. Матчты қайдан және сағат нешеде көруге болатынын Tengri Sport ұсынады.

Ойын Германияның Лейпциг қаласындағы «Ред Булл Арена» стадионында өтеді. Кездесу Қазақстан уақытымен 23:50-де басталады.

Бұл екі команда үшін де тарихындағы алғашқы халықаралық трофей болуы мүмкін. Конференция лигасындағы жеңіс кубокпен қатар, келесі маусымда Еуропа лигасының жалпы кезеңіне жолдама береді.

"Кристал Пэлас" – "Райо Вальекано": тікелей трансляция

Қазақстанда матчты Qazsport телеарнасы тікелей эфирде көрсетеді. Трансляция 23:50-де басталады.

Instagram-дағы бұл жарияланымды көру

UEFA Conference League (@conferenceleague) жарияланымы

Финалға дейінгі жолда плей-оффты 1/16 финалдан бастаған "Кристал Пэлас" босниялық "Зриньски", кипрлік АЕК, италиялық "Фиорентина" және украиналық "Шахтерді" жарыс жолынан шығарды.

Команда Англия чемпионатында 15-орынға тұрақтады. Сондықтан финалдағы жеңіс ғана оларға келесі маусымда еурокубокта өнер көрсетуге мүмкіндік береді.

Instagram-дағы бұл жарияланымды көру

UEFA Conference League (@conferenceleague) жарияланымы

Ал "Райо Вальекано" плей-оффты 1/8 финалдан бастап, түркиялық "Самсунспор", грек АЕК-і және франциялық "Страсбурдан" басым түсті.

Мадридтік клуб Испания чемпионатында 8-орын алды. Сол себепті "Райо Вальеканоға" да 2026/27 маусымында халықаралық аренаға шығу үшін финалда жеңіске жету қажет.

Instagram-дағы бұл жарияланымды көру

UEFA Conference League (@conferenceleague) жарияланымы

Бұған дейін Египет құрамасы мен ағылшындық "Ливерпульдің" жұлдызды шабуылшысы Мохаммед Салах рекорд орнатып, клуб тарихындағы үздік ассистент атанған еді.

Сондай-ақ Ақтауда "Арсенал" жанкүйерлері сүйікті командасының АПЛ-дегі жеңісін екі қабатты автобуспен тойлағаны хабарланған. Кейін жүргізуші жауапқа тартылды.