Алматылықтардың алғашқы матчінде испаниялық футболшы no touch pass деп аталатын әдісті орындады: ол допты қабылдауға дайын екенін білдіріп, бірақ соңғы сәтте оған тиіспей өткізіп жіберді, нәтижесінде доп командаласына бағытталды.
Турнирдің ресми аккаунтында осы әсерлі финт туралы арнайы жазба жарияланды.
"Мынаған қараңыздаршы!" – деп жазды видеоға Конференция лигасының аккаунты.
Айта кетейік, сол матчте Гуаль алматылықтардың жалғыз голының авторы атанды, ойын 1:1 есебімен тең аяқталды.
Марк Гуаль деген кім?
30 жастағы испаниялық "Қайратқа" биылғы маусымның ортасында ауысып, команда көшбасшыларының біріне айналды. Ол барлық турнирде 27 матчке қатысып, 14 гол соқты және 6 нәтижелі пас берді.
Ол каталониялық футбол мектебінің түлегі, мансабын "Эспаньолда" бастап, кейін мадридтік "Реалдың" жасөспірімдер командасына ауысқан. Сонымен қатар ол Польша чемпионатында өнер көрсеткен.
"Қайраттың" Конференция лигасындағы келесі матчі
Еске сала кетейік, Конференция лигасының келесі матчінде алматылық "Қайрат" италиялық "Аталантаға" қарсы ойнайды. Бұл команданың турнирдегі үшінші матчі болмақ.
Қазір алматылықтар екі матчтен кейін 1 ұпай иеленіп отыр, өз алаңында өткен алғашқы матчте "Панатинаикостан" 1:5 есебімен жеңілген болатын.
Айта кетейік, "Қайрат" Қазақстан Премьер-лигасындағы маусымды екінші орында аяқтап, турнирдің аяқталуына бір тур қалғанда чемпиондықты шымкенттік "Ордабасыға" беріп қойды.
“Қайрат“ чемпиондық атақтан айырылды: бас бапкер қызметінен кетті
Сәтпаев неге тағы да құрама сапында ойнамайды? Жаттықтырушы түсіндірді