Футболдан Қазақстан құрамасының жаңа бапкері тағайындалды

Жаңа бапкерді таныстыру рәсімі Қазақстан футбол федерациясында өтті.

62 жастағы маман бұған дейін Грекия мен Армения ұлттық құрамаларын жаттықтырған, сондай-ақ Нидерланд құрамасының штабында жұмыс істеген.

Джон ван’т Шкип қазақстандық құрамада қызмет ететін екінші голландиялық маман болмақ. 2006-2008 жылдар аралығында команданы Арно Пайперс жаттықтырған болатын.

Естеріңізге сала кетейік, Қазақстан құрамасының бұған дейінгі бапкері отандық маман Талғат Байсуфинов болды. Ол бір айдан астам уақыт бұрын өз еркімен қызметінен кеткен еді.

Жаңа бапкер бастаған команданың алғашқы ресми матчі 26 қыркүйекте Ұлттар лигасы аясында Фарер аралдары құрамасына қарсы өтеді.