Грозныйлық клубтың жаңа бапкері болып Ресейдің үш дүркін чемпионы және ЦСКА сапында УЕФА кубогінің иегері атанған Ролан Гусев тағайындалды. Келісімшарт мерзімі туралы мәліметтер жарияланған жоқ.
Айта кетейік, бұған дейін Гусев "Динамода" жұмыс істеген және оның қол астында Қазақстан құрамасының тағы бір көшбасшысы Бахтиер Зайнутдинов жаттыққан болатын.
Гусев тағайындалардан бірнеше сағат бұрын "Ахмат" Қазақстан құрамасының бұрынғы бапкері Станислав Черчесовтің қызметінен кеткенін мәлімдеді.
"Ахмат" футбол клубы мен бас бапкер Станислав Черчесов еңбек шартын екі тараптың келісімі бойынша бұзу туралы шешімге келді. Дүйсенбі күні Станислав Саламович ұжыммен қоштасты", - делінген хабарламада.
Айта кетейік, Черчесов бас бапкер лауазымында бір жылдан сәл аса уақыт – 2025 жылдың тамызынан бастап қызмет етті. Биылғы маусымда "Ахмат" екі рет жеңіске жетіп, алты рет жеңіліп, бес ойынды тең аяқтады. Команда Ресей чемпионатында 16 ұжымның ішінде 15-орында тұр.
Самородов пен Кенжебек Қазақстан құрамасына шақырту алды
Айта кетейік, грозныйлық клубтың екі қазақстандық футболшысы да Ұлттар лигасының Молдова және Словакияға қарсы шешуші матчтеріне шақырылған ойыншылар тізіміне енді.
Дастан Сәтпаевтан кейін Максим Самородов Қазақстан құрамасы сапындағы ең қымбат футболшы болады – Transfermarkt порталы оның құнын 4 миллион еуроға бағалап отыр. Биылғы маусымда ол "Ахмат" сапында 13 ойында бар болғаны 1 гол соқты, сондай-ақ Ұлттар лигасында Фарер аралдарының қақпасына гол енгізді.
Кенжебекке келетін болсақ, ол осы маусымда әзірге клуб пен құрама үшін нәтижелі іс-әрекеттерімен көзге түсе қойған жоқ, бірақ Ұлттар лигасындағы төрт матчтің үшеуіне қатысты.
7 қарашада "Ахмат" Ресей Премьер-лигасында Гусевтің жетекшілігімен "Родинаға" қарсы алғашқы матчін өткізеді, содан кейін Самородов пен Кенжебек 13 және 16 қарашада Қазақстан құрамасы сапында өнер көрсету үшін ұлттық команданың орналасқан жеріне аттанады.
Сәтпаев неге тағы да құрама сапында ойнамайды? Жаттықтырушы түсіндірді