Халықаралық дзюдо федерациясы Елдос Сметовке қатысты шешім қабылдады

Халықаралық дзюдо федерациясы (IJF) әлемнің үздік спортшылары рейтингін жаңартты. Қазақстандық Олимпиада чемпионы Елдос Сметов рейтингте өз позициясын нығайтты, - деп хабарлайды Tengri Sport.

Халықаралық дзюдо федерациясының (IJF) жаңартылған рейтингінде 60 келіге дейінгі салмақ дәрежесінде өнер көрсететін Қазақстан өкілі, Олимпиада ойындарының толық медальдар жиынтығының иегері Елдос Сметов бір сатыға көтеріліп, қазір 23-орынға жайғасты.

Одан бір саты жоғары, 22-орында моңғолиялық спортшы Ариунболд Энхтайван тұр. Скриншот: ijf.org

Айта кетейік, рейтингтің бірінші сатысында ресейлік дзюдошы Аюб Блиев тұр, екінші орынды француз Ромен Валадье-Пикар иеленсе, үшінші сатыға Олимпиада ойындарының күміс және қола жүлдегері, жапониялық спортшы Рюдзю Нагаяма орналасқан.

Скриншот: ijf.org

Еске сала кетейік, Елдос Сметов соңғы рет 2024 жылы Парижде (Франция) өткен жазғы Олимпиада ойындары аясында татамиге шығып, алтын медаль жеңіп алған болатын.

Осыдан кейін спортшы ұзақ үзіліс алды: біраз уақыт шетелде болып, ағылшын тілін меңгерді, кейінірек иық буынына ота жасатты.

2025 жылдың аяғында Сметов жаттығуларына қайта оралды, бірақ әлі күнге дейін ұлттық құрама сапында жарыстарға қатысқан жоқ.