+7 (777) 001 44
99
3 мамырда хоккейден Қазақстан құрамасы бірінші дивизиондағы 2026 жылғы әлем чемпионатында екінші ойынын өткізеді, - деп хабарлайды Tengri Sport.
Ұлттық құраманың қарсыласы Жапония командасы болмақ. Матч Қазақстан уақытымен 15:30-да Сосновец қаласында (Польша) басталады.
Қазақстан - Жапония: тікелей эфир
Матч трансляциясы Қазақстан уақытымен 15:20-да басталады. Ойынды тікелей эфирде Qazsport телеарнасынан, сондай-ақ Қазақстан хоккей федерациясының сайтында көруге болады.
Instagram-дағы бұл жарияланымды көру
Еске салайық, алғашқы матчте Қазақстан құрамасы Литваны 4:1 есебімен жеңген болатын. Айта кетейік, үшінші кезеңге дейін Талғат Жайлауовтың шәкірттері есепте есе жіберіп жатқан еді, алайда кейінгі жиырма минуттықта камбэк жасады.
Егер құрама Украина, Франция, Польша, Литва және Жапония командалары қатысатын турнирде бірінші немесе екінші орын алса, элитаға қайта орала алады. Чемпионат 2-8 мамыр аралығында өтіп жатыр.
Қазақстан құрамасы ойындарының кестесі
5 мамыр, 22:30: Қазақстан - Польша;
7 мамыр, 19:00: Украина - Қазақстан;
8 мамыр, 15:30: Қазақстан - Франция.
