Жаңа бапкер тұсындағы Қазақстан құрамасының алғашқы ойыны: қайдан көруге болады?

Кездесу Торсхавн қаласындағы "Торсволлур" стадионында С дивизионы 3-тобының бірінші туры аясында өтеді.

Бұл Джон ван 'т Схиптің Қазақстан құрамасының бас бапкері ретіндегі алғашқы матчі болмақ.

Қазақстан - Фарер аралдары: тікелей эфир

Кездесу Қазақстан уақытымен сағат 21:00-де басталады. Матчтің тікелей эфирін Qazsport телеарнасы көрсетеді.

Сондай-ақ, кездесуді арнаның ресми сайтында көруге болады.

Қазақстан құрамасының жаңа бапкері

Еске салайық, футболдан Қазақстан құрамасын ресми түрде Нидерланды маманы Джон ван’т Схип басқарды. Ол бұл қызметке 7 тамызда тағайындалған болатын.

Бұған дейін 62 жастағы маман Грекия және Армения ұлттық құрамаларын жаттықтырған, сонымен қатар, Нидерланды құрамасының штабында болған.

Джон ван’т Схип Қазақстан құрамасында жұмыс істейтін екінші голландиялық маман болады. 2006-2008 жылдар аралығында команданы Арно Пайперс жаттықтырған еді.

Осы матчтен кейін, 29 қыркүйекте команда сырт алаңда Словакиямен ойнайды, содан кейін Молдова және Фарер аралдарымен өтетін ойындар үшін Астанаға оралады.