Жеңіл салмақтағы IBF Inter-Continental нұсқасы бойынша әлем чемпионы Кишон Дэвис қазақстандық экс-әлем чемпионы Жанқош Тұраровпен спарринг өткізді. Жаттығудан кейін қазақстандық боксшы қарсыласымен арадағы ерекше әңгімені баяндап берді, деп хабарлайды Tengri Sport.
Тұраровтың айтуынша, спаррингтен соң Дэвис қазақстандықпен достасып кеткен және оның күш-қуаты туралы ойын бөліскен.
"Спаррингтен кейін достасып кеттік: "Сендер жылқы жейсіңдер, сол үшін мықтысыңдар дейді. Қазақтарды", - деп жазды Жанқош әлеуметтік желіде.
Айта кетейік, Жанқош Тұраров соңғы жекпе-жегін былтыр қыркүйекте Алматыда өткізген болатын. Бұрынғы әлем чемпионы төрешілер шешімімен филиппиндік Али Канегуды жеңген еді.
Қазіргі уақытта ол АҚШ-та жаңа жекпе-жегіне дайындығын жалғастырып жатыр. Қарсыласы мен кездесу күні әзірге белгісіз.
+7 (777) 001 44 99
