Канадалық хоккейші қазақстандық жанкүйерлерді ең үздік деп атады

Фото: «Барыс» баспасөз қызметі

Канадалық хоккейші Джейк Масси елордалық "Барыспен" жаңа келісімшартқа отырғаннан кейін қазақстандық жанкүйерлер туралы пікір білдірді, - деп хабарлайды Tengri Sport клубтың баспасөз қызметіне сілтеме жасап.

Канадалық хоккейші Джейк Масси елордалық "Барыспен" жаңа келісімшартқа отырғаннан кейін қазақстандық жанкүйерлер туралы пікір білдірді, - деп хабарлайды Tengri Sport клубтың баспасөз қызметіне сілтеме жасап.

Канадалық қорғаушы қазақстандық клубпен екі жылдық келісімшартқа қол қойды. Оның айтуынша, "Барыс" жанкүйерлері - Құрлықтық хоккей лигасындағы ең үздіктер.

"Сәлем, "Барыс" жанкүйерлері! Сіздермен байланыста Джейк Масси! Тағы екі жылға қалғаныма қуаныштымын. Біз мұнда ерекше дүние жасап жатырмыз - алда өте қызықты әрі жарқын маусым күтіп тұр. ҚХЛ-дың ең үздік жанкүйерлерінің алдында мұз айдынына қайта шығуды асыға күтемін. Жазды жақсы өткізіңіздер, жақын арада кездескенше!" - деді хоккейші.

Айта кетейік, өткен маусымда Масси команданың үздік сұрмергендерінің бірі болды - ол сегіз шайба соғып, 17 нәтижелі пас берді және тұрақты чемпионатты +5 көрсеткішімен аяқтады, бұл клубтағы ең жоғары көрсеткіш.

Сарапшы әрі комментатор Александр Олейник өткен маусым қорытындысы бойынша Массиді Өмірбеков пен Симоновпен қатар команданың үздік үш ойыншысының қатарына қосты.

Сондай-ақ сарапшы Массиді клуб сақтап қалуы тиіс легионерлердің бірі деп санайды.

"Мен кімді қалдырар едім? Томпсон, Масси және Уолшты. Қалғандары аса таңғалдыра қоймады. Масси өзін қорғаныста да сенімді ойнай алатын адам ретінде көрсетті - маусым барысында қателіктер болғанымен, оның жеке соққылары да, пастары да бар. Маған оның маусымдағы ойыны басқа легионерлерге қарағанда көбірек ұнады", - деді Олейник маусым соңында SauBall YouTube-арнасына берген сұхбатында.

Instagram-дағы бұл жарияланымды көру

"Барыс" хоккей клубының жарияланымы (@barys_official)

"Барыстың" маусымдағы қорытындысы: әрі қарай не болады?

Еске салайық, 2025/2026 маусымында елордалық "Барыс" тағы да ҚХЛ плей-офф кезеңіне шыға алмады, бірақ соңғы жылдары алғаш рет бүкіл маусымды бір жаттықтырушымен - Михаил Кравецпен өткізіп, оны келесі жылға да қалдырды.

Қорытынды баспасөз мәслихаты кезінде ол командаға күшейту қажет екенін және құрамның тұрақты чемпионат басталғанға дейін алдын ала жасақталғаны дұрыс екенін мәлімдеді.

Қазіргі уақытта "Барыс" Уолш, Томпсон және Массимен келісімшартты ұзартқанын жариялады.