“Қайрат“ пен еурокубок дебютанты: Қазақстанның КЛ-дегі алғашқы матчін қайдан көруге болады?

Фото © Tengrinews.kz / Болат Айтмолда

15 қазан күні кешке алматылық "Қайрат" 2026/2027 жылғы маусымда Конференция лигасының жалпы кезеңіндегі алғашқы матчін өткізеді. Ойын Латвияда өтіп, жергілікті "Рига" үшін команда тарихындағы еурокубоктардың негізгі кезеңі аясындағы алғашқы кездесу болмақ, деп хабарлайды Tengri Sport.

Еурокубоктық күзде ел намысын қорғайтын жалғыз қазақстандық ұжым Чемпиондар лигасы мен Еуропа лигасына жолдама ала алмады. Болгарияның "Левски" және Бельгияның "Андерлехт" командаларынан жеңілген соң, "Қайрат" мәртебесі жағынан үшінші турнирге түсті.

Ригалықтар Чемпиондар лигасының бірінші іріктеу кезеңінде Арменияның "Араратына" есе жібергенімен, кейін Македонияның "Вардарын", Мажарстанның "Дьёрін" және Фарер аралдарының "Клаксвигін" жеңе алды.

"Рига" туралы не белгілі?

"Қайраттың" қарсыласы - Латвияның төрт дүркін чемпионы, алайда олар бұған дейін еурокубоктардың бұл сатысына ешқашан жетпеген. Қазір команда бесінші чемпиондық атақ үшін күресіп жатыр: олар "РФШ" клубынан 1 ұпай қалып, екінші орында тұр.

Бұл ретте "Рига" өз алаңында өте ширақ ойнайды. Өз стадионындағы кейінгі жеңілісі осыдан бір жыл бұрын болған - былтыр қарашада "РФШ" командасына есе жіберген (3:4).

Бұған қоса, латвиялық клубтың құрамы алматылық команда ойыншыларынан бір жарым есе қымбат бағаланып отыр - 15,5 миллион еуро мен 9,2 миллион еуро.

Команда сапындағы жергілікті ойыншылар үлесі "Қайраттағы" қазақстандықтармен салыстырғанда аз. "Риганың" кейінгі ойынында негізгі құрамда елдің екі өкілі ғана шықты, ал ойын өрнегін бразилиялық және африкалық легионерлер айқындайды.