Қазақстан алтыншы алтыннан кейін Азиаданың медальдық есебінде үздік үштікке енді

Бүгін қазақстандық спортшылар екі алтын және екі қола медаль иеленді, бұл құраманың Азия ойындарының жалпы есебінде үшінші орынға шығуына мүмкіндік берді.

Біздің команданың қоржынында қазірдің өзінде 12 медаль бар: алты алтын, бір күміс және бес қола.

Командамыз кестеде корейлерді артқа тастағаннан кейін, тек Жапония (9 алтын) мен Қытай (28 алтын) құрамалары ғана алда тұр.

Фото: asiangames2026.org

Азиада - 2026-да алтын алған қазақстандықтар

Еске сала кетейік, Жапониядағы Азия ойындарында Қазақстан құрамасына алғашқы алтынды велошабандоз Рината Султанова салды — ол жекелей жарыста жеңіске жетті.

Одан кейін Алексей Луценко тас жолдағы веложарыстан командаға екінші алтынды сыйлады - ол да жекелей жарыста үздік шықты.

Қазақстан үшін тағы екі алтынды каратэшілер Жоламан Биғабыл мен Софья Берульцева жеңіп алды.

Ал бүгін қазақстандық спортшылар Азиада бағдарламасына алғаш рет енгізілген аралас жекпе-жектен алғашқы алтын медальдарға ие болды. Алдымен Еркінғали Бүркіталин 77 келіге дейінгі салмақ дәрежесінде Азиада чемпионы атанса, кейін Қадырбек Шынбаев 71 келіге дейінгі салмақтың финалында жеңіске жетті.

Еске салсақ, 2026 жылғы Азия ойындары Жапонияның Аичи және Нагоя қалаларында өтіп жатыр және 4 қазанға дейін жалғасады.