Қазақстан бокстан Әлем кубогінің екі медалін мерзімінен бұрын жеңіп алды

Фото: ҚФБ

Қазақстан ұлттық құрамасының боксшылары Бразилияның Фос-ду-Игуасу қаласында өтіп жатқан Әлем кубогы кезеңінің финалы мен жартылай финалына жолдама алды, деп хабарлайды Tengri Sport.

Қазақстан ұлттық құрамасының боксшылары Бразилияның Фос-ду-Игуасу қаласында өтіп жатқан Әлем кубогы кезеңінің финалы мен жартылай финалына жолдама алды, деп хабарлайды Tengri Sport.

Бокстан Әлем кубогы кезеңінің жеребесінен кейін 80 келіден жоғары салмақ дәрежесінде өнер көрсететін қазақстандық Валерия Аксенова мерзімінен бұрын турнирдің финалына шықты.

Бұл оның Қазақстан қоржынына кем дегенде күміс медаль салатынына кепілдік береді. Финалдық жекпе-жекте Аксенова венгриялық спортшы София Ширамен кездеседі.

80 келіге дейінгі дивизионда сынға түсетін тағы бір қазақстандық боксшы Жібек Жарасқызы үшін жеребе сәтті болып, турнирдің бірнеше кезеңінен мерзімінен бұрын өтті.

Қазақстандық боксшы өзінің алғашқы жекпе-жегін турнирдің жартылай финалында өткізеді, демек ол кем дегенде қола медальды иеленіп қойды. Әлем кубогы кезеңінің финалына жолдама беретін бәсекеде ол польшалық боксшы Эмилия Котерскамен қолғап түйістіреді.

World Boxing ұйымдастырған Әлем кубогы кезеңінің толық жеребесі

Ерлер

1/4 финал: Сұлтан Айбарұлы – Пауоло Карусо (Италия);
1/4 финал: Санжарәлі Бегалиев – Саиджамшид Джафаров (Әзербайжан);
1/8 финал: Дәулет Төлемісов – Исайас Фильо (Бразилия);
1/8 финал: Даниял Сабит – Иштван Сака (Венгрия);
1/16 финал: Диас Молжігітов – Кай Ториябе (Жапония);
1/16 финал: Жансері Көшербаев – Джуд Галлахер (Ирландия);
1/16 финал: Фарух Тоқтасынов – Джон Макконнелл (Ирландия);
1/16 финал: Мұхаммедсабыр Базарбайұлы – Хассен Атиа (Тунис);
1/16 финал: Бағлан Кенжебек – Жираир Саргсян (Армения);

Әйелдер

Финал: Валерия Аксенова – София Сира (Венгрия);
1/2 финал: Жібек Жарасқызы – Эмилия Котерска (Польша);
1/8 финал: Аида Әбікеева – Виктория Жилкова (Чехия) / Мезмориз Андерсон (Жаңа Зеландия) жұбының жеңімпазы;
1/8 финал: Виктория Графеева – Эмили Рзаева (Әзербайжан);
1/8 финал: Алуа Балқыбекова – Михаэла Бадеску (Румыния) / Златислава Чуканова (Болгария) жұбының жеңімпазы;
1/16 финал: Назым Қызайбай – Айшен Ташкин (Түркия).