Қазақстан дзюдодан жастар арасындағы Азия чемпионатында бес алтын медаль жеңіп алды

olympic.kz

Қазақстан құрамасы Амман (Иордания) қаласында дзюдодан жастар арасында өткен Азия чемпионатында бес алтын, төрт күміс және үш қола медаль жеңіп алды, деп хабарлайды Tengri Sport.

Айнара Сейтжанова (48 келіге дейінгі салмақ дәрежесінде), Нұрбала Зайнул (52 келіге дейін), Ролан Қайырғали (66 келіге дейін), Гүлсезім Тұрлыбек (78 келіге дейін) және Санжар Ерұланов (100 келіге дейін) Азия чемпиондары атанды.

Күміс медальдарды Дәмеля Асылханова (63 келіге дейін), Ерасыл Ержанов (66 келіге дейін), Мұхаммедәлі Зәкіров (73 келіге дейін) және Руслана Махатова (78 келіден жоғары) иеленді.

Қола жүлделер Айзат Нәукеноваға (48 келіге дейін), Айдана Әбихановаға (63 келіге дейін) және Шынар Бітімбайға (70 келіге дейін) бұйырды.