Қазақстан футбол құрамасының көшбасшысы айдың үздік ойыншысы атанды

Фото © Tengrinews.kz / Әлімжан Аманжол

Қазақстан құрамасы мен ресейлік "Ахмат" клубының футболшысы Максим Самородов жанкүйерлер нұсқасы бойынша сәуірдің үздік ойыншысы атанды, - деп хабарлайды Tengri Sport клубтың баспасөз қызметіне сілтеме жасап.

Қазақстан құрамасы мен ресейлік "Ахмат" клубының футболшысы Максим Самородов жанкүйерлер нұсқасы бойынша сәуірдің үздік ойыншысы атанды, - деп хабарлайды Tengri Sport клубтың баспасөз қызметіне сілтеме жасап.

Көктемнің екінші айында команда 5 матч өткізген. Әр ойыннан кейін жанкүйерлер арасында дауыс беру ұйымдастырылған.

"Жиналған ұпай нәтижесі бойынша Максим Самородов бәрінен көп балл жинады. Оның еншісінде 17 ұпай бар. Ол екі рет матчтің үздік ойыншысы атанса, тағы екі рет дауыс беруде екінші, бір рет үшінші орын алған", – делінген клуб мәлімдемесінде.

Instagram-дағы бұл жарияланымды көру

FC "Akhmat" Grozny ⚽ (@akhmatgrozny) жарияланымы

Максим Самородов — елдегі ең қымбат футболшылардың бірі

Еске салайық, 23 жастағы Самородовты Transfermarkt порталы 2,5 миллион еуроға бағалап отыр. Ұлттық құрамада одан тек "Қайрат" сапындағы Дастан Сәтбаевтың құны жоғары - 3 миллион еуро.

Айта кетейік, Максим - шетелдік чемпионаттарда өнер көрсететін ұлттық құраманың бес ойыншысының бірі. Одан бөлек, бұл тізімде Нұралы Әліп ("Зенит", Ресей), Бақтияр Зайнутдинов ("Динамо", Ресей), Ғалымжан Кенжебек ("Ахмат", Ресей) және Ислам Чесноков ("Хартс", Шотландия) бар.

Ол 2025/26 жылғы қазіргі маусымда "Ахмат" сапында лигада 26 матч өткізіп, 5 гол соқты және 8 нәтижелі пас берді.