+7 (777) 001 44
99
Стенд атудан Қазақстан әйелдер құрамасы Германияның Зуль қаласында өтіп жатқан жасөспірімдер арасындағы Әлем чемпионатында тарихта алғаш рет жеңіске жетті, деп хабарлайды Tengri Sport.
Элеонора Ибрагимова, Мария Горун және Милана Папчихинадан құралған Қазақстан командасы 337 ұпай жинап, қыздар арасындағы "Трап" жаттығуында барлық қарсыласын басып озды.
Туризм және спорт министрлігі мәліметінше, бұл алтын Қазақстанның стенд атудан жасөспірімдер арасындағы Әлем чемпионаттарындағы алғашқы жеңісі.
Биылғы турнирге әлемнің 63 елінен 778 спортшы қатысып жатыр, оның 13-і Қазақстан намысын қорғайды.
Instagram-дағы бұл жарияланымды көру
19 жастағы қазақстандық спортшы ел қоржынына тағы бір алтын салды
Дәл осы турнирде еліміздің тағы бір өкілі алтын иеленді. 19 жастағы астаналық Асылым Жақия 25 метр қашықтыққа тапаншадан атудан әлем чемпионы атанды.
Асылым 554 ұпай жинап, алтын үшін күресте барлық қарсыласынан басым түсті.
Айта кетейік, Зульдегі жарыс 26 маусымға дейін жалғасады. Қазіргі уақытта Қазақстан құрамасы қоржынында 2 алтын және 2 күміс бар.
Instagram-дағы бұл жарияланымды көру
Қазақстанда нысана көздеуден олимпиадалық медаль бар
Еске сала кетейік, Парижде өткен кейінгі жазғы Олимпиадада Ислам Сәтпаев пен Александра Ле 10 метрге пневматикалық мылтықтан атудан аралас командалық сында Қазақстанға медаль сыйлаған болатын.
SauBall-ға берген сұхбатында осы команда мүшесі Ойындардан кейін өмірі қалай өзгергені туралы айтып берді.
Бұған дейін семсерлесуден Қазақстан құрамасы финалда Олимпиада чемпиондарын жеңіп, Азия чемпионатын ұтқан болатын.
