Қазақстан құрамасы Азиада қарсаңында Елдос Сметовке қатысты шешім қабылдады

2014 жылғы Азия ойындары алтынын иеленген атақты Олимпиада чемпионы Жапонияның Аичи және Нагоя қалаларында өтетін додада сол жетістігін қайталауға тырысады.

Дзюдодан Азиада-2026-ға қатысатын Қазақстан құрамасының тізімі:

Ерлер

• 60 келіге дейін - Елдос Сметов;
• 66 келіге дейін - Ғұсман Қырғызбаев;
• 73 келіге дейін - Бақытжан Әбдірахманов;
• 81 келіге дейін - Алмат Әділет;
• 90 келіге дейін - Айдар Арапов;
• 100 келіге дейін - Марат Байқамұров;
• 100 келіден жоғары - Ерасыл Қажыбаев.

Әйелдер

• 48 келіге дейін - Абиба Әбужақынова;
• 52 келіге дейін - Меруерт Сәрсенова;
• 57 келіге дейін - Дана Әбдірова;
• 63 келіге дейін - Эсмигүл Куюлова;
• 70 келіге дейін - Ажар Асхат;
• 78 келіге дейін - Екатерина Токарева;
• 78 келіден жоғары - Аида Тойшыбекова.

Айта кетейік, Сметовтен бөлек, команда сапына Әлем чемпионатының күміс жүлдегері Абиба Әбужақынова да оралды.

Сметов Олимпиададан кейін екі жыл үзіліс алды

Еске сала кетейік, қазақстандық Елдос Сметов қатарынан үш Олимпиада ойындарында жүлде иеленген: 2016 жылы күміс, 2021 жылы қола және 2024 жылы алтын. Сметовтің Париждегі жеңісі ел тарихында дзюдодан алғашқы алтын болды.

Париж Олимпиадасынан кейін чемпион біраз үзіліс алды: алдымен ағылшын тілін үйренуге кетсе, кейін өзін көптен бері мазалап жүрген жарақаттарына байланысты бірнеше ота жасаған болатын.

Сметов үшін үзілістен кейінгі алғашқы турнир 2026 жылғы маусымда өткен Қытайдағы Гран-при болды. Ол жарысты екі жеңіспен бастағанымен, қорытындысында бесінші орынға табан тіреді.

Олимпиададағы салтанатты жеңісінен кейін Сметов басқа жарыстарға қатысқан жоқ.

Нагоядағы Ойындар аясында дзюдодан бәсеке 29 қыркүйек пен 2 қазан аралығында өтеді.

“UFC белбеуін қалайды“: Елдос Сметов Шавкат Рахмоновтың командасында жаттығып жүр