Қазақстан құрамасы Азия ойындарында тарихи медаль жеңіп алды

Ирина Бакалдина, София Николайчук, Владислава Андреева және Дарья Самоделкинадан құралған Қазақстан командасы топтық сында үшінші орынға табан тіреді.

1/4 финалда қазақстандықтар Гонконгты 45:35 есебімен қапы қалдырса, жартылай финалда Қытай құрамасына 45:21 есебімен жол берді.

"Осылайша, шпагамен семсерлесуден Қазақстан әйелдер құрамасы Азия ойындары тұғырына алғаш рет көтеріліп, тарихи жетістікке қол жеткізді", - деп атап өтті Қазақстан Ұлттық олимпиадалық комитеті.

Айта кетейік, 2026 жылғы Азиадада семсерлесуден Қазақстан құрамасы осымен екі медаль еншіледі: Артём Саркисян қылыш сайысында қола жүлдегер атанса, Кирилл Проходов рапирадан күміс жүлдені иеленген болатын.

Қазақстан құрамасы Азия ойындарында: 25 қыркүйек

Бүгінгі жарыс күнінде Қазақстан құрамасы үш қола медаль алды: Ислам Сатпаев винтовкамен 50 метрге нысана көздеуден үшінші орын алса, байдарка есуден әйелдер құрамасы 500 метрлік қашықтықта жүлдегер атанды.

Семсерлесушілердің қоласынан кейін Қазақстан қоржынында 28 медаль бар. Команда Азиаданың жалпы есебінде 8 алтын, 8 күміс және 12 қола жүлдемен төртінші орында келеді.

XX жазғы Азия ойындары 4 қазанға дейін жалғасады.

Олимпиада жүлдегері Қазақстанға Азия ойындарының жаңа медалін сыйлады

Қазақстандық әлем чемпионы бокстан ұлттық құрамаға Азиададағы алғашқы жеңісті сыйлады