Қазақстан құрамасы бокстан Азия чемпионатында алғашқы алтынды жеңіп алды

Фото: Қазақстан бокс федерациясы

Қазақстандық боксшы Бейбарыс Әшірбай 19 жасқа дейінгі спортшылар арасындағы Азия чемпионатының алғашқы алтын медалін жеңіп алды, деп хабарлайды Tengri Sport.

70 келіге дейінгі салмақ дәрежесіндегі финалдық жекпе-жекте қазақстандық спортшы жапониялық Кунимитцу Хонжомен қолғап түйістірді.

Кездесу Бейбарыс Әшірбайдың пайдасына 5:0 есебімен аяқталды.

Осылайша, ол құрлықтық турнирдің чемпионы атанып, алтын медальді иеленді.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Айта кетейік, Әшірбайға дейін Әділ Асқанбай, Ақжүрек Қалабай және Тимур Тайбеков финалдық жекпе-жектерін өткізген болатын.

Біріншісі Өзбекстан өкілі Өткізбек Нозкосимовқа (0:5) есе жіберсе, екіншісі оңтүстіккореялық Даехо Кангтан (2:3) ұтылды, ал үшіншісі өзбекстандық Аброрбек Шариповтан басым түсе алмады.

Осылайша, үш қазақстандық жарыстың күміс жүлдегері атанды.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Еске сала кетейік, 19 және 23 жасқа дейінгі спортшылар арасындағы бокстан Азия чемпионаты Джакартада (Индонезия) өтіп жатыр. Турнир ертең ерлер құрамаларының қатысуымен өтетін финалдық бәсекелермен аяқталады.

Алты алтын медаль: бокстан Азия чемпионатындағы күн қорытындысы