Қазақстан құрамасы бокстан Азия чемпионатының финалына алғашқы жолдаманы алды

Фото: instagram.com/boxingkazakhstan/

Қазақстандық боксшы Камила Оспанова 19 жасқа дейінгі бокстан Азия чемпионатының финалына жолдама алды. Ол аталған жас санатында турнир финалына шыққан Қазақстанның алғашқы өкілі атанды, деп хабарлайды Tengri Sport Қазақстан бокс федерациясының баспасөз қызметіне сілтеме жасап.

70 келіге дейінгі салмақ дәрежесінде Камиланың қарсыласы оңтүстіккореялық Мина Жанг болды.

Жекпе-жек толық үш раундқа созылып, төрешілер шешімімен аяқталды.

Есеп 4:1 - Камила Оспанованың пайдасына.

Айта кетейік, ол 19 жасқа дейінгі Қазақстан құрамасынан финалға өткен алғашқы спортшы болды. Бұған дейін Айсұлу Мұхит, Ақнұр Тұрсынғали және Мәдира Жұмақан жартылай финалда қарсыластарына жол берген болатын.

Еске сала кетейік, бокстан 19 және 23 жасқа дейінгі спортшылар арасындағы Азия чемпионаты Жакартада (Индонезия) өтіп жатыр.

Бұған дейін 23 жасқа дейінгілер арасында бокстан Азия чемпионатының финалына Қазақстан ерлер құрамасының жеті өкілі шыққан болатын.