+7 (777) 001 44
99
Қазақстан-Словакия матчі 29 қыркүйекте Астана уақытымен 23:45-те басталады. Біздің команда Кошицеге барып, матч алдындағы жаттығуын өткізіп үлгерді.
Словакия Қазақстан құрамасынан төрт есе қымбат
Матч иелері осы кездесудің ғана емес, Ұлттар лигасы тобының да фавориті саналады. Transfermarkt порталының бағалауы бойынша, Словакия құрамасының жалпы құны Қазақстан құрамасынан шамамен 4 есе артық – тиісінше 69 миллион еуро мен 19 миллион еуро.
Бұл ретте қазақстандық ұжым сапында ең қымбат футболшылар жоқ: Максим Самородов, Дастан Сәтпаев және Ислам Чесноков жарақаттарына байланысты матчке қатыспайды.
Айта кетейік, Словакия құрамасын қазақстандық футболмен таныс маман жаттықтырады. Владимир Вайсс 2012-2015 жылдар аралығында "Қайратта" жұмыс істеп, алматылық клубпен Қазақстанның екі кубогін жеңіп алған болатын.
Instagram-дағы бұл жарияланымды көру
Қазақстанның өзара кездесулердегі жүз пайыздық көрсеткіші
Осыдан төрт жыл бұрын Словакия мен Қазақстан құрамалары Ұлттар лигасында кездескен болатын. Магомед Адиев бастаған Қазақстан құрамасы өз алаңында да, сырт алаңда да минималды басымдықпен (0:1; 2:1) жеңіске жеткен еді. Сол маусымда Қазақстан құрамасы Ұлттар лигасының С дивизионын ұтып алып, өтпелі матчтер арқылы Еуро-2024 турниріне жолдама алуға мүмкіндік алды.
Бұдан кейін командалар бір-бірімен ойнаған жоқ.
Словакия - Қазақстан: тікелей трансляция
Ұлттар лигасының екінші туры аясындағы Қазақстан мен Словакия арасындағы матчті Qazsport, сондай-ақ телеарна сайты тікелей эфирде көрсетеді.
Кошицеден тікелей трансляция Қазақстан уақытымен 23:35-те басталады.
Instagram-дағы бұл жарияланымды көру
Бұған дейін Қазақстан құрамасы Ұлттар лигасының жаңа маусымында алғашқы матчін өткізді. Команда гол соғып, Фарер аралдары құрамасымен матч 1:1 есебімен тең аяқталды.
Сондай-ақ Ұлттар лигасында Франция мен Бельгия құрамалары ойнады.
Қазақстанның ең қымбат футболшысы анықталды: оның құны 1,5 миллион еуроға өскен
