Қазақстан құрамасы Өзбекстанды ойсырата жеңіп, Азия чемпионатының жартылай финалына шықты

Фото: instagram.com/aquatics.kz/

Су добынан 19 жасқа дейінгі Қазақстан ерлер құрамасы Бангкокта (Таиланд) өтіп жатқан Азия чемпионатының 1/4 финалында Өзбекстан құрамасын сенімді жеңді, - деп хабарлайды Tengri Sport.

Жартылай финалға жолдама сарапқа салынған матч айқын басымдықпен аяқталды.

Кездесудің қорытынды есебі Қазақстан пайдасына 22:8 болып, ірі жеңіспен аяқталды.

Жартылай финалда Қазақстан құрамасы Сингапур командасымен кездеседі.

Еске салайық, Бангкоктағы турнир 24 шілдеге дейін жалғасады. Жеңімпаз құрама автоматты түрде жасөспірімдер арасындағы әлем чемпионатына жолдама алады.