Қазақстан құрамасы Ресейді жеңгеннен кейін әлемдік рейтингте көш бастады

Фото: instagram.com/fencing_fie/

Шпагамен семсерлесуден Қазақстан құрамасы Мароккодағы Әлем кубогі кезеңінде алтын иеленгеннен кейін әлемдік рейтингте бірінші орынға шықты, деп хабарлайды Tengri Sport Халықаралық семсерлесу федерациясына (FIE) сілтеме жасап.

FIE-нің жаңа рейтингінде қазақстандықтар қазіргі Олимпиада чемпиондары – Мажарстанды, сондай-ақ Франция, Жапония және Швейцария сияқты мықты командаларды басып озды. Бұған дейін қазақстандық шпагашылар рейтингтің шыңына шығып көрмеген болатын.

Мароккодағы Әлем кубогі кезеңі қарсаңында Қазақстан құрамасы үшінші орында тұрған еді, бірақ алтын медальдың арқасында бәсекелестерін артта қалдырды. Финалда құрамы жаңарған команда Ресей құрамасын жеңіп кетті.

Қазақстан құрамасы әлемдік семсерлесуде көш бастап тұр

Еске сала кетейік, Қазақстан командасы 2025 жылдың қарашасынан бастап өзі қатысқан барлық ірі додаларда жеңіске жетті. Бұл жеңіс жолы Ислам ынтымақтастығы ойындарында басталып, кейін Азия чемпионатында, Әлем чемпионатында және Азия ойындарында жалғасын тапты.

Айта кетейік, семсерлесу – олимпиадалық спорт түрі және Қазақстан құрамасы 2028 жылы Лос-Анджелесте өтетін Ойындарға қатысуға үлкен мүмкіндігі бар.

Шпага мен рапирамен семсерлесудің айырмашылығы және Қазақстанда бұл спорт түрінің қалай дамығаны туралы еліміздің жетекші шпагашыларының бірі, әлем чемпионы Руслан Құрбановтың SauBall YouTube-арнасына берген сұхбатынан білуге болады.

Қазақстан Ресейді жеңіп, Әлем кубогінің алтынын еншіледі

Бұған дейін қазақстандық шпагашыларды тарихи жетістігімен ел Президенті Қасым-Жомарт Тоқаев құттықтаған болатын..