Қазақстан құрамасы стенд атудан Азиаданың күміс жүлдесін иеленді

Әдел Садакбаева. Фото:ҰОК / Сали Сабиров

Жапонияның Айти мен Нагоя қалаларында өтіп жатқан жазғы Азия ойындарында әйелдер арасында скиттен (стенд ату) жарыс аяқталды, деп хабарлайды Tengri Sport.

Іріктеу қорытындысы бойынша Қазақстан құрамасы 2-орынға ие болып, күміс медаль жеңіп алды, деп хабарлады Туризм және спорт министрлігі Спортты дамыту дирекциясының баспасөз қызметі.

Команда сапында Әсем Орынбай, Зоя Пискун және Әдел Садақбаева өнер көрсетті. Қазақстандық спортшылар 274 ұпай жинаған.

Жарыста 287 ұпай жинаған Қытай құрамасы жеңіске жетті. Үшінші орынды 266 ұпаймен Үндістан командасы иеленді.

Бірнеше сағат бұрын Қазақстан ұлттық құрамасының өкілі Кристина Морозованың Айти–Нагоядағы XX жазғы Азия ойындарында күміс медаль еншілегені хабарланған болатын. Қазақстандық жеңіл атлет 1 сағат 35 минут 25 секунд нәтижесін көрсетіп, спорттық жүруден мәреге екінші болып келді.

Тағы оқыңыз: Қазақстан алтыншы алтын медальдан кейін Азиаданың медальдар кестесінде үздік үштікке енді