Қазақстан құрамасында Азия ойындары алдында Назым Қызайбайға қатысты шешім қабылданды

Азиядадағы команданың басты жұлдызы 32 жастағы Назым Қызайбай болмақ. Әлемнің үш дүркін чемпионы осы уақытқа дейін Азия ойындарында жеңіске жетпеген, сондықтан қазір оның бұл олқылықтың орнын толтыруға тамаша мүмкіндігі бар.

Бокстан Қазақстан құрамасының 2026 жылғы Азия ойындарына қатысатын құрамы:

• Алуа Балқыбекова (51 келіге дейін) – әлемнің екі дүркін чемпионы;
• Назым Қызайбай (54 келіге дейін) – әлемнің үш дүркін чемпионы;
• Виктория Графеева (60 келіге дейін) – әлем чемпионатының күміс жүлдегері;
• Аида Әбікеева (65 келіге дейін) – әлемнің екі дүркін чемпионы;
• Наталья Богданова (75 келіге дейін) – әлем чемпионы.

"Барлығы жоспар бойынша жүріп жатыр. Қыздардың көңіл-күйі көтеріңкі, бәрі аман-сау, жарақат алғандар жоқ. Біз жарысқа бір ғана мақсатпен - жоғары нәтиже көрсету үшін бара жатырмыз. Әр спортшы өз әлеуетін толық ашуға және барын салуға дайын. Сондықтан біз сәтті өнер көрсетеміз деп үміттенеміз", - деді ҰОК-қа берген сұхбатында команданың бас жаттықтырушысы Елдос Сайдалин.

Айта кетейік, құрама сабы әлем және Азия чемпионаттарымен салыстырғанда мұндай шағын болуы Азия ойындарының регламентіне байланысты. Қазақстан бокс федерациясы (ҚБФ) біздің сауалымызға берген жауабында Жапониядағы жарыстар тек осы бес салмақ дәрежесінде өтетінін түсіндірді.

Ерлер арасында да жағдай осыған ұқсас - онда алты салмақ дәрежесі болады: 55, 60, 70, 80, 90 келіге дейін және 90 келіден жоғары.

Еске салайық, Азия ойындары 2026 жылдың 19 қыркүйегі мен 4 қазаны аралығында Жапонияның Аичи префектурасы мен Нагоя қаласында өтеді.