Қазақстан құрамасының элитаға шығу жолындағы ӘЧ матчі: қайдан және қашан көруге болады?

7 мамырда хоккейден Қазақстан құрамасы бірінші дивизиондағы 2026 жылғы әлем чемпионатында төртінші матчін өткізеді, - деп хабарлайды Tengri Sport.

Ұлттық құраманың қарсыласы Украина командасы болмақ. Матч Қазақстан уақытымен сағат 19:00-де Сосновец қаласында (Польша) басталады.

Қазақстан - Украина: тікелей эфир

Трансляция Қазақстан уақытымен 18:50-де басталады. Кездесуді Qazsport телеарнасының тікелей эфирінен, сондай-ақ Қазақстан хоккей федерациясының сайтында тікелей эфирде көруге болады.

Украинаны негізгі уақытта жеңген жағдайда, Қазақстан құрамасы Франциямен өтетін матчтің нәтижесіне қарамастан, турнирдегі бірінші орынды иеленуге кепілдік береді.

Қазақстан құрамасы әлем чемпионатында: нәтижелер

Еске салайық, турнирдің Литва командасына қарсы алғашқы матчінде Қазақстан құрамасы екі кезең бойы 0:1 есебімен ұтылып жатып, ойын барысын өзгерте алды және ірі есеппен жеңіске жетті (4:1).

Екінші кездесуде қазақстандықтар бұдан да сенімді жеңіске жетті — жапондықтар бірде-бір шайба соға алмады, ал Жайлауов командасы 6:0 есебімен басым түсті.