Ерекше сәт үшінші кезеңде, Владивосток командасы 3:0 есебімен алда тұрғанда болды. Петерборлықтар басымдыққа ие болып, есеп айырмасын қысқарту үшін қақпашыны алып тастаған еді, алайда ойын барысындағы сәтсіз пастардың бірі шайба бос қақпаға енуіне әкеп соқты.
"Адмиралдың" айдын ойыншылары ішінде шайбаға соңғы болып қазақстандық қақпашы тиген еді, сондықтан ол статистикада гол авторы ретінде жазылды.
Айта кетейік, Бояркин осы қызық голдан бөлек, қарсылас команданың 39 соққысына тосқауыл қойды.
"Барыс" Қазақстан құрамасының қақпашысымен қоштасты
Еске салайық, 28 жастағы Никита Бояркин 2021 жылдан бастап ҚХЛ-да "Барыс" сапында өнер көрсеткен, бірақ осы маусым басталар алдында клуб басшылығы ұлттық құрама қақпашысымен қоштасу туралы шешім қабылдады.
Оның орнына елордалық ұжымда америкалық Хантер Шепард өнер көрсетіп жүр, дегенмен матчтердің басым бөлігінде қақпаны Қазақстанның тағы бір голкипері Андрей Шутов қорғайды. Қазанда Шутов лиганың үздік қақпашысы ретінде танылды.