Қазақстан құрамасының ойыншысы екі жылдан кейін Астанаға оралды

Фото: instagram.com/p/DSwBHPxiLM6/

Елордалық "Барыс" хоккей клубы "Адмирал" шабуылшысы Аркадий Шестаковтың трансферін жариялады, деп хабарлайды Tengri Sport.

Елордалық "Барыс" хоккей клубы "Адмирал" шабуылшысы Аркадий Шестаковтың трансферін жариялады, деп хабарлайды Tengri Sport.

Хоккейден Қазақстан құрамасының шабуылшысы, 2019 жылдан 2024 жылға дейін бес жыл бойы "Барыс" сапында өнер көрсеткен спортшы Владивостокқа кеткеннен кейін екі жылдан соң Астанаға оралды.

"Барыс" Қазақстан құрамасының шабуылшысы Аркадий Шестаковпен келісімшарт жасасқанын хабарлады. Біржақты келісім 2028 жылдың 31 мамырына дейінгі екі маусымға арналған", - делінген клуб хабарламасында.

Айта кетейік, қазақстандық хоккейші "Адмиралмен" бірге 2024/2025 жылғы маусымда плей-офф кезеңіне шықты, ал биыл клуб сапында 64 ойында 7+6 ұпай жинады.

"Аркадий - өте еңбекқор орталық шабуылшы. Күштік айқастан қашпайтын және әрдайым қара жұмыстың үлкен көлемін атқаруға дайын жауапты хоккейші. Шестаков - ұлттық құрама көшбасшыларының бірі.

Біз оның шайба тастау нүктелеріндегі әлеуетін жақсы білеміз, ол жерде оның көрсеткіштері әрдайым жоғары. Бұл трансфер арқылы біз команданың орталық шебін нығайтамыз", - деді клубтың бас менеджері Леонид Метальников.

Мамыр айында өткен бірінші дивизиондағы Қазақстан құрамасы үшін жеңісті әлем чемпионатында Шестаков барлық бес кездесуге қатысып, бес нәтижелі паспен көзге түсті.

Айта кетейік, Аркадийдің Артем есімді інісі бар, ол да "Барыста" ойнайды, бірақ қақпашы. Жаңа жылда ағайындылардың бір командада бас қосу мүмкіндігі туып отыр.