Қазақстан құрамасының ойыншысы ерекше сыйлық алды

Спортшыға не сыйлады?

Симонов "Барыстың" жаңа хоккей маусымындағы алғашқы жеңісіне айналған камбэгінде шешуші шайбаның авторы атанды. Турнир өткен қаланың дәстүріне сай, хоккейшіге нағыз башқұрт балы табыс етілді.

• "Ол жақта гол үшін бал бере ме не?";
• "Стильді, мықты, құттықтаймыз!";
• "Жазба әзілмен салынған сияқты, екінші суретте оның күлкісі келіп тұрған жерін үлкейтіп қойыпты", - деп жазды "Барыс" жанкүйерлері әлеуметтік желіде.

Айта кетейік, турнирдің қорытынды матчінде жеңіске жеткеніне қарамастан, "Барыс" турнирлік кестенің соңғы сатысында қалды. Бүгін бірінші орын үшін "Салават Юлаев" пен "Амур" таласады, Астана командасы бұған дейін бұл ұжымдардан тиісінше 1:4 және 1:5 есебімен ұтылған болатын.

Сыйлыққа берілген бал: спортшыларға өнер көрсеткені үшін тағы не сыйлайды?

Соғылған гол үшін бір құты бал алу – спортшылар үшін ең ерекше сыйлық емес.

Мәселен, 2025 жылдың сәуірінде Норвегия чемпионатының бесінші дивизионындағы Varhaug клубы Сондре Двергсдалға салмағы шамамен 22 келі болатын шошқаның тұтас ұшасын сыйға тартты.

Ал бұған дейін дәл сол Норвегияда "Брайен" қақпашысына сыйлыққа 48 жұмыртқа берілген болатын.

Ұлттық хоккей лигасының кейбір командаларында кездесудің үздік ойыншысына ерекше киім үлгісін табыстау дәстүрі бар.

Мәселен, "Питтсбургте" хоккейшілерге болат балқытушының дулығасы беріледі – осылайша клуб қала тарихымен байланысын көрсетеді.

Ал "Калгариде" ойыншыны ерекше қызыл түсті пиджакпен марапаттау дәстүрге айналған.

"Барыс" камбэк жасап, жаңа маусымдағы алғашқы жеңісіне қол жеткізді