Қазақша
Русский
Қазақстандық ММА файтері Бекзат Жасия аса жеңіл салмақта Alash Pride лигасының чемпионы атағы үшін өткен жекпе-жекте қырғызстандық Арген Маратбек уулун нокаутқа түсірді, деп хабарлайды Tengri Sport.
Бекзат үшін бұл жекпе-жек лигада белбеуін алғашқы қорғауы болды. Кездесудің бірінші раундында қазақстандық спортшы қарсыласының қорғанысын бұзып, басынан дәл соққы бағыттау арқылы оны канвасқа құлатты.
Төреші соққының астында қалған файтердің жағдайын бақылап тұрмай, жекпе-жекті тоқтатты.
Осылайша, Жасия кәсіпқой ММА-дегі сегізінші жеңісіне қол жеткізді. Ол кейінгі рет 2023 жылдың қарашасында жеңіліс тапқан болатын.
Бекзат Жасия деген кім?
32 жастағы Шымкент тумасы - аралас жекпе-жектен әлем чемпионы. Ол кәсіпқой рингтегі дебютін 2022 жылдың желтоқсанында жасады.
Әуесқой деңгейдің өзінде Бекзат жекпе-жектерін мерзімінен бұрын аяқтаумен ерекшеленді. Мәселен, Абу-Дабиде өткен Әлем чемпионатында Швецияның екі дүркін жүлдегері Даниял Шамхалов оның соққыларынан осылай зардап шеккен болатын.
“Жай ғана хайп жинағысы келді“: шешен спортшысы Шавкат Рахмоновқа сес көрсетті
+7 (777) 001 44 99
