Қазақстан Ресейді жеңіп, Әлем кубогінің алтынын иеленді

Фото: instagram.com/kazakhstan_fencing/

Семсерлесуден Қазақстан құрамасы жаңа маусымды Мароккода өткен Әлем кубогі кезеңіндегі жеңіспен бастады. Финалда қазіргі әлем чемпиондары Ресей құрамасын ұтты, деп хабарлайды Tengri Sport.

Шпагамен семсерлесуден жаңартылған құраммен өнер көрсеткен Қазақстан командасы алғашқы айналымдарда Түркия мен Гонконгты ойсырата жеңіп (45:20 және 45:28), кейін Мысыр мен Франция өкілдерін жарыс жолынан шығарды.

Финалда Кирилл Проходов, Вадим Шарлаимов, Александр Федотов және Кирилл Павлов Ресей құрамасын 45:40 есебімен тізе бүктіріп, Әлем кубогі бірінші кезеңінің алтынын иеленді.

Шпагамен семсерлесуден Қазақстан құрамасы - тарихи чемпиондар

Еске сала кетейік, 2025/2026 жылғы маусымда Қазақстан құрамасы әлем чемпионаты мен Азия ойындарында жеңіске жеткен болатын. Әлем чемпионатындағы бұл табыс еліміздің тарихындағы командалық есептегі алғашқы жеңіс болды.

Instagram-дағы бұл жарияланымды көру

Kazakhstan_Fencing (@kazakhstan_fencing) жарияланымы

Сенсация! Қазақстан құрамасы алғаш рет семсерлесуден Әлем чемпионатын жеңіп алды

Бұған дейін Азия ойындарының финалында шпагадан Қазақстан құрамасы Оңтүстік Корея командасына қарсы кездесуде таңдай қақтырарлық камбэк жасаған болатын.