Қазақстандық әлем чемпионы Азия ойындарының тағы бір медалін жеңіп алды

Фото: ҰОК/ Сәли Сабиров

Қазақстандық ауыр атлет Нұрғиса Әділетұлы 95 келіге дейінгі салмақ дәрежесінде Азия ойындарының күміс жүлдегері атанды, деп хабарлайды Tengri Sport.

Жұлқа көтеруден кейін ол 177 келі нәтижемен үшінші орында тұрған еді, алайда серпе көтеруде Қытай спортшысынан озып кетіп, болашақ чемпионмен тартысты бәсеке көрсете білді.

Нәтижесінде Әділетұлына жеңіске жету үшін небәрі 4 келі жетпей қалды.

Ауыр атлетикадан жарыс нәтижесі:

Әли Әлипур (Иран) - 398 (180 + 218);
Нұрғиса Әділетұлы (Қазақстан) - 394 (177 + 217);
Йи Ту (Қытай) - 384 (179 + 205).

Еске сала кетейік, Нұрғиса Әділетұлы ауыр атлетикадан 2024 жылғы әлем чемпионы.

Фото: ҚОК/ Сали Сабиров

Бұған дейін қазақстандық Алексей Чуркин Азиададағы ауыр атлетика жарысында әлемдік рекорд орнатып, күміс медаль жеңіп алған болатын.