Қазақстандық әлем чемпионы халықаралық лигада алғаш рет жеңіске жетті

Фото: instagram.com/rafwrestlingusa

Қазақстандық еркін күрес шебері Ризабек Айтмұқан Real American Freestyle (RAF) лигасындағы алғашқы жеңісіне қол жеткізді. RAF 10 турнирі АҚШ-тың Миссури штатындағы Сент-Луис қаласында өтті, - деп хабарлайды Tengri Sport.

Қазақстандық еркін күрес шебері Ризабек Айтмұқан Real American Freestyle (RAF) лигасындағы алғашқы жеңісіне қол жеткізді. RAF 10 турнирі АҚШ-тың Миссури штатындағы Сент-Луис қаласында өтті, - деп хабарлайды Tengri Sport.

Отандасымыз жартылай ауыр салмақ дәрежесінде америкалық Хайден Зиллмермен белдесті.

Үш кезеңнің қорытындысы бойынша қазақстандық балуан 6:4 есебімен жеңіске жетті.

Бұл - оның RAF лигасындағы алғашқы жеңісі.

Instagram-дағы бұл жарияланымды көру

Real American Freestyle (@rafwrestlingusa) жарияланымы

Сәуірде қазақстандық балуан осы ұйымда дебют жасап, бірден жартылай ауыр салмақтағы чемпиондық белбеу үшін күресуге мүмкіндік алған болатын, алайда америкалық Кайл Снайдерге жол берді.

Ризабек Айтмұқан — тарихи әлем чемпионы

Еске салайық, 2023 жылы Ризабек Айтмұқан еркін күрестен әлем чемпионы атанған алғашқы қазақстандық балуан болды. Ол кезде 18 жастағы спортшы 92 келіге дейінгі салмақ дәрежесінде өнер көрсеткен.

Кейінірек Ризабек салмақ дәрежесін ауыстырды, себебі 97 келіге дейінгі санат олимпиадалық бағдарламаға кіреді. Жаңа салмақта қазақстандық балуан Азия чемпионатының екі дүркін күміс жүлдегері атанды.

Балуан кейінгі рет боз кілемге жақында ғана — 23 жасқа дейінгілер арасындағы Азия чемпионатында шығып, 125 келіге дейінгі салмақ дәрежесінде жеңіске жетіп, алтын медаль иеленген болатын.