Қазақстандық Азия ойындарының алты дүркін чемпионы атанып, тарихқа енді

Алексей Луценко мәреге 4 сағат 13 минут 11 секундта бірінші болып келіп, Қазақстан құрамасының қоржынына кезекті алтын медальды салды.

Мәре сызығын екінші болып тағы бір қазақстандық Евгений Федоров қиды, оның көрсеткіші - 4 сағат 15 минут 9 секунд. Ол күміс жүлдегер атанды.

Еске сала кетейік, бұған дейін Алексей Луценко XX Азия ойындарында жекелей сында да алтын медаль жеңіп алған болатын. Ол кезде Қазақстан құрамасының көшбасшысы қашықтықты 41:24.05 уақытта бағындырып, жарыс жеңімпазы атанған еді.

Қазіргі уақытта Алексей Луценконың еншісінде құрлықтық додалардың 6 алтын жүлдесі бар. Бұл жетістігімен ол қазақстандық спортшылар арасында жоғарғы марапаттар саны бойынша рекорд орнатты.

Естеріңізге сала кетейік, ХХ Жазғы Азия ойындары 19 қыркүйек пен 4 қазан аралығында өтеді. Ойындарда Қазақстан құрамасы атынан 558 спортшы бақ сынайды.

Жарыс бағдарламасына 43 спорт түрі мен 71 дисциплина енгізілген, онда медальдардың 469 жиынтығы сарапқа салынады.

Іс-шараға 45 Ұлттық Олимпиада комитетінен (Азия елдері мен аймақтарынан) 11 000-нан астам спортшы, сондай-ақ Азия Олимпиадалық кеңесінің (АОК) босқындар командасы қатысады.