+7 (777) 001 44
99
Жапонияның Айти-Нагоя қаласында өтіп жатқан V Азия Пара ойындарындағы жарыстар айналмалы жүйе бойынша өткізілді.
Зарина Қытай, Үндістан және Өзбекстан спортшыларын айқын басымдықпен жеңіп, барлық кездесуді иппонмен аяқтады. Турнир қорытындысы бойынша ол бірінші орынды иеленіп, V Азия Пара ойындарының чемпионы атанды.
Instagram-дағы бұл жарияланымды көру
Сондай-ақ әйелдер құрамасы сапында осы салмақ дәрежесінде J1 санаты бойынша сынға түскен Ақтолқын Сейілбекова алтын жүлдегер атанды.
Жеңіске жету жолында ол Қазақстан, Өзбекстан, Корея Республикасы және Индонезия өкілдерін тізе бүктірді.
Instagram-дағы бұл жарияланымды көру
Ерлер құрамасынан 95 келіден жоғары салмақта J2 санатында өнер көрсететін Жұрқамырза Шүкірбеков алтын медаль еншіледі.
Instagram-дағы бұл жарияланымды көру
Ол жартылай финалда ирандық Әмірхоссейн Нимрузи Навохиді иппонмен жеңсе, финалдық белдесуде тағы бір ирандық спортшы Мохаммадреза Хейроллахзадеден юко ұпайымен басым түсті.
Instagram-дағы бұл жарияланымды көру
Алтын медальдардан бөлек, қазақстандық парадзюдошылар құрама қоржынын басқа деңгейдегі жүлделермен де толықтырды. Мәселен, J2 санатында 95 келі салмақ дәрежесінде сынға түскен Жанбота Аманжол Пара ойындарының күміс жүлдесін иеленді. Ол финалда өзбекстандық Дәуірхон Кәрәматовқа есе жіберді.
Instagram-дағы бұл жарияланымды көру
Ал осы санат пен салмақ дәрежесінде бақ сынаған Ермек Нұрқабаев Қазақстан құрамасына қола жүлде сыйлады. Айналмалы жүйедегі жарыста ол Жапония мен Үндістан өкілдерін иппонмен жеңгенімен, кейін отандасы Жанбота Аманжол мен Өзбекстан спортшысынан жеңіліп қалды.
Instagram-дағы бұл жарияланымды көру
Парадзюдодағы J1 және J2 санаттарының айырмашылығы неде?
Парадзюдода J1 және J2 санаттары көру қабілетінің бұзылу деңгейіне қарай ерекшеленеді:
- J1 класына көру қабілеті мүлдем жоқ немесе мүлдем дерлік көрмейтін спортшылар жатады: олардың бинокулярлық көру өткірлігі LogMAR (рұқсат етілген минималды бұрыштың логарифмі) шкаласы бойынша 2,6 және одан төмен.
- J2 класы көру қабілеті нашар атлеттерге арналған, олардың көру өткірлігі LogMAR шкаласы бойынша 1,3-тен 2,5-ке дейінгі аралықты құрайды немесе бинокулярлық көру өрісінің диаметрі 60 градустан аспайды.
Тең жағдайды қамтамасыз ету үшін осы санаттағы спортшылар өз салмақ дәрежелерінде бөлек жарысады.
J1 санатындағы спортшылардың кимоносының арқасында әдетте қызыл дөңгелек болады, оларды татами ортасына жиірек ертіп барады, сондай-ақ олар байқаусызда алаң жиегінен шығып кетсе, ережелер сәл жұмсағырақ қолданылады.
Қазақстан Азия Пара ойындарының алтыны үшін таласта Өзбекстаннан озды
