+7 (777) 001 44
99
31 шілдеге қараған түні Белградта (Сербия) өткен Power Slap 22 турнирінде лиганың ауыр салмақтағы қазақстандық палуаны Закир Найманбаев канадалық Райан Кеннимен кездесті.
Қос қарсылас бірнеше соққыға шыдас бергенімен, көп ұзамай жағдай өзгерді. Найманбаев оңтайлы сәтті пайдаланып, жойқын соққымен қарсыласын теңселтті. Төреші нокдаун есебін бастады. Кенни жағдайы жақсы екенін ишарамен көрсеткенімен, соққының әсерінен әлі есеңгіреп тұрған еді. Мұны байқаған төреші жекпе-жекті мерзімінен бұрын тоқтатты.
Instagram-дағы бұл жарияланымды көру
Закир Найманбаев деген кім?
Закир Найманбаев Семей қаласында дүниеге келген және жас кезінен-ақ өзінің ерекше физикалық қабілеттерімен көзге түскен.
Ол 13 жасында жатып темір көтеру жаттығуында 110 келіні көтерсе, 17 жасында пауэрлифтингтің осы түрінен Азия чемпионы атанып, өз спорт түрінде үздік атанды.
Instagram-дағы бұл жарияланымды көру
Спортшы әлеуметтік желілерді белсенді жүргізіп, онда өзінің күш-қуаты мен ерекше қабілеттерін көрсетіп келеді.
Instagram-дағы бұл жарияланымды көру
Power Slap промоушені 2022 жылы негізі қаланған, ал 2023 жылдың қаңтарында "Power Slap: Дорога к титулу" шоуының тұсауы кесілді. Онда бірнеше спортшы бір үйде тұрып, кейіннен Гран-при форматында бір-бірімен жарысу үшін командаларға бөлінген.
Қазіргі уақытта Power Slap - Невада штатының Атлетикалық комиссиясы тарапынан лицензияланған және мақұлдалған шапалақпен ұру бойынша әлемдегі жетекші ұйым.
Промоушеннің негізін әлемдегі ең мықты UFC аралас жекпе-жек ұйымының басшысы Дана Уайт қалаған.
