+7 (777) 001 44
99
Күндізгі сессияны 48 келіге дейінгі салмақ дәрежесіндегі жекпе-жек ашты. Онда қазақстандық Гүлназ Бөрібаева Жапония өкілі Ю Миатамен кездесіп, 4:1 есебімен жеңіске жетті.
Instagram-дағы бұл жарияланымды көру
Келесі болып шаршы алаңға Анита Әдішева шықты. Ол 51 келіге дейінгі салмақ дәрежесінде Тайбэй спортшысы И-Хуан Гомен жұдырықтасты.
Алғашқы раундта қарсыласы басым түскенімен, кейін жекпе-жек барысы түбегейлі өзгеріп, Әдішева 4:1 есебімен жеңісті жұлып алды.
Instagram-дағы бұл жарияланымды көру
Үшінші болып Ұлжан Сәрсенбек өнер көрсетті. Ол 57 келіге дейінгі салмақ дәрежесінде вьетнамдық Зи Зом Вумен кездесіп, 3:2 есебімен басым түсті.
Instagram-дағы бұл жарияланымды көру
Төртінші жекпе-жекті Аяжан Ермек өткізді. 60 келіге дейінгі салмақ дәрежесінде ол өзбекстандық Муштарибон Иброхимжонға 1:4 есебімен есе жіберді.
Instagram-дағы бұл жарияланымды көру
Бұдан соң шаршы алаңға Азиза Исина көтерілді. 70 келіге дейінгі салмақта отандасымыз Үндістан өкілі Шиванимен күш сынасты.
Қос спортшы да жеңіске деген жігерін көрсетті, алайда қазақстандық арудың басымдығы айқын байқалып, төрешілер жеңісті 4:1 есебімен соған берді.
Instagram-дағы бұл жарияланымды көру
Кейін 75 келіге дейінгі салмақ дәрежесінде қазақстандық Шұғыла Налыбай оңтүстіккореялық Нахион Кимге қарсы шығып, оны 5:0 есебімен айқын ұтты.
Instagram-дағы бұл жарияланымды көру
Күндізгі сессияны қазақстандық Панар Сейітханқызының жекпе-жегі түйіндеді: 81 келіден жоғары салмақ дәрежесінде ол Үндістан өкілі Приянкадан 0:5 есебімен жеңіліп қалды.
Instagram-дағы бұл жарияланымды көру
Күндізгі сессияның қорытындысы бойынша Гүлназ Бөрібаева, Анита Әдішева, Ұлжан Сәрсенбек, Азиза Исина және Шұғыла Налыбай 23 жасқа дейінгілер арасындағы бокстан Азия чемпионатының финалына шықты. Аяжан Ермек пен Панар Сейітханқызы финалға өте алмай, турнирді қола жүлдемен аяқтады.
Сағат 16:00-де басталатын кешкі сессияда 23 жасқа дейінгі ерлер шаршы алаңға шығады.
Еске салайық, бокстан жасөспірімдер мен жастар (U-19 және U-23) арасындағы Азия чемпионаты 3-16 шілде аралығында Джакартада (Индонезия) өтіп жатыр. Турнирде Қазақстан намысын 39 спортшы қорғап жатыр.
