+7 (777) 001 44
99
Ауыр салмақта өнер көрсететін қазақстандық кәсіпқой боксшы Иван Дычко келесі жекпе-жегін Zuffa Boxing 07 турнирінде өткізеді, деп хабарлайды Tengri Sport.
Қазақстандық ауыр салмақ иесі Иван Дычко келесі кездесуін 6 маусымда Борнмут (Англия) қаласында өтетін Zuffa Boxing 07 турнирі аясында өткізеді.
Оның қарсыласы жеңіліп көрмеген британдық Харви Дайкс.
Жекпе-жек турнирдің алдын ала кардында өтеді.
Кештің басты оқиғасы ретінде бірінші ауыр салмақтағы WBO-ның бұрынғы чемпионы Крис Биллам-Смит пен канадалық боксшы Райан Розицки арасындағы кездесу жоспарланған.
Instagram-дағы бұл жарияланымды көру
Иван Дычко деген кім?
Иван Дычко ауыр салмақтағы қазақстандық кәсіпқой боксшы, еліміздің халықаралық бокс аренасындағы ең танымал әрі табысты өкілдерінің бірі.
Instagram-дағы бұл жарияланымды көру
Ол 1990 жылы 11 тамызда Қостанай облысының Рудный қаласында дүниеге келген. Иван әуесқой бокста 200-ге жуық жекпе-жек өткізіп, айтарлықтай жетістікке жетті: Олимпиада ойындарының екі дүркін қола жүлдегері (Лондон-2012 және Рио-2016), әлем және Азия чемпионаттарының бірнеше дүркін жүлдегері, сондай-ақ Қазақстанның үш дүркін чемпионы атанды.
Instagram-дағы бұл жарияланымды көру
Дычко кәсіпқой боксқа 2017 жылы ауысты. Қазір оның рекорды - 15-1. Ол ұзақ уақыт бойы жеңіліссіз келіп, мерзімінен бұрын жеңіске жетудің жоғары көрсеткішін (14 нокаут) көрсетті. Кәсіпқой мансабындағы алғашқы жеңіліске Иван 2025 жылдың қыркүйегінде америкалық боксшы Джермейн Франклинмен жекпе-жекте ұшырады.
Zuffa Boxing - UFC басшысы мен ықпалды шейхтің жобасы
Zuffa Boxing - бұл 2025 жылдың маусымында UFC президенті Дана Уайт пен ең ықпалды бокс промоутерлерінің бірі Турки Аль-Шейх бірлесіп негізін қалаған жаңа кәсіпқой бокс промоутерлік компаниясы.
Instagram-дағы бұл жарияланымды көру
Жоба боксқа UFC моделін енгізуді көздейді: спортшылармен орталықтандырылған келісімшарттар, жеке чемпиондық белбеулер, салмақ дәрежелерінің оңтайландырылған жүйесі және үздік боксшылар арасындағы тартысты жекпе-жектерге басымдық беру.
Instagram-дағы бұл жарияланымды көру
Бұған дейін жартылай ауыр салмақта WBA Super, IBO, IBF және WBO нұсқалары бойынша әлем чемпионы Дмитрий Бивол Артур Бетербиевке қарсы үшінші жекпе-жек неге өтпей қалғанын айтып берді.
