Қазақстандық боксшы Азия чемпионатындағы жекпе-жегін нокаутпен жеңіп алды

46 келіге дейінгі салмақ дәрежесінде өнер көрсететін қазақстандық боксшы Милана Иншина бокстан жасөспірімдер арасындағы Азия чемпионатының жартылай финалына шықты, - деп хабарлайды Tengri Sport.

"Кем дегенде қола медаль жеңіп алмақ"

Ширек финалда қазақстандық Иншина вьетнамдық Зи Нгок Ха Лунмен кездесті.

Жекпе-жек үшінші раундқа дейін жалғасты, содан кейін рефери кездесуді тоқтатып, қазақстандық спортшының техникалық нокаутпен жеңіске жеткенін тіркеді.

Осылайша, Милана Иншина Азия чемпионатының жартылай финалына шығып, өзіне кем дегенде қола медальді қамтамасыз етті.

Еске салайық, 15 және 17 жасқа дейінгі спортшылар арасындағы бокстан Азия чемпионаты Ташкентте (Өзбекстан) өтіп жатыр және 15 мамырға дейін жалғасады.

Аптаның басты оқиғалары мен пайдалы видеоларды көру үшін YouTube арнамызға жазылыңыз