+7 (777) 001 44
99
60 келіге дейінгі салмақ дәрежесінде жұдырықтасатын қазақстандық боксшы Нұрасыл Төлебек Belgrade Winner турнирінің алтын медалін иеленді, деп хабарлайды Tengri Sport.
Турнирдің финалында қазақстандық спортшы Куба өкілі Луис Энрикемен кездесті.
Жекпе-жек 3 раундқа созылған. Үшеуінде де Төлебек қарсыласынан айқын басым түскен.
Нәтижесінде кездесу төрешілердің шешімімен аяқталды, олар жеңісті бірауыздан қазақстандыққа берді - 5:0.
Instagram-дағы бұл жарияланымды көру
12-18 мамыр аралығында Сербияда өткен Belgrade Winner турнирінде қазақстандықтар барлығы 7 медаль иеленді - 1 алтын, 2 күміс және 4 қола.
Қазақстан құрамасының Belgrade Winner турниріндегі медальдары
- 60 келіге дейін - Нұрасыл Төлебек;
- 70 келіге дейін - Нұрбек Мүрсал;
- 90 келіге дейін - Ибрагим Бетаев;
- 50 келіге дейін - Нұрзат Оңғаров;
- 80 келіге дейін - Нұрсұлтан Шілдебай;
- 85 келіге дейін - Аян Қалмағанбетов;
- 90 келіден жоғары - Аслан Елдібайұлы.
Instagram-дағы бұл жарияланымды көру
Belgrade Winner халықаралық турнирі - Еуропадағы ең көне әрі беделді бокс турнирлерінің бірі. Жыл сайын мұнда әлемнің түкпір-түкпірінен ең мықты спортшылар бақ сынайды.
