Қазақстандық боксшының Әлем кубогіндегі жекпе-жегі: тікелей көрсетілім

Қазақстандық боксшылар Мұхаммедсабыр Базарбайұлы мен Бағлан Кенжебек Фос-ду-Игуасуда (Бразилия) өтіп жатқан Әлем кубогінің алғашқы кезеңінде жекпе-жек өткізеді, деп хабарлайды Tengri Sport.

Сәуірдің 21-інен 22-сіне қараған түні Фос-ду-Игуасуда (Бразилия) бокстан Әлем кубогі кезеңінің екінші күні өтеді.

Күндізгі сессияда Қазақстан құрамасы сапынан 55 келіге дейінгі салмақ дәрежесінде Бағлан Кенжебек шаршы алаңға шығады. Оның қарсыласы армениялық боксшы Жирайр Саргсян.

Кешкі сессияда 65 келіге дейінгі дивизионда өнер көрсететін тағы бір қазақстандық, Париж (Франция) Олимпиадасының қатысушысы Мұхаммедсабыр Базарбайұлы жұдырықтасады. Ол тунистік Хассен Атиамен күш сынасады.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Еске сала кетейік, Париж (Франция) Олимпиадасында Мұхаммедсабыр Базарбайұлы ширек финалға дейін жетіп, онда грузиялық спортшы Лаша Гурулимен кездескен болатын.

Қазақстандық боксшы бірінші раундта айқын басымдықпен жеңіске жеткенімен, кейін дәл сондай есеппен есе жіберді. Үшінші кезең қорытындысы бойынша төрешілер шешімімен жеңіс Грузия боксшысына берілді, кейін ол Олимпиаданың қола жүлдегері атанды.

Instagram-дағы бұл жарияланымды көру

Qazaqstan Ұлттық телеарнасының жарияланымы (@qazaqstantv)

Қазақстан құрамасы жекпе-жектерінің тікелей көрсетілімі

Бокстан Әлем кубогі кезеңіндегі жекпе-жектердің тікелей трансляциясын Panam Sports арнасының сайтында және Бразилия бокс федерациясының YouTube арнасынан көруге болады.

Айта кетейік, күндізгі сессия Қазақстан уақытымен сағат 19:00-де, ал кешкі сессия сағат 01:00-де басталады.

Еске сала кетейік, турнир 2026 жылдың 20-26 сәуір аралығында өтеді. Қазақстаннан бөлек жарысқа 50-ден астам елден 400-ге жуық боксшы қатысады деп жоспарланған.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Еске сала кетейік, турнирдің алғашқы күні Қазақстан құрамасы үш жеңіске жетті. Еліміздің ең атақты боксшы қызы Назым Қызайбай қарсыласынан басым түсті.

70 келіге дейінгі дивизионда бақ сынайтын Фарух Тоқтасынов екі рет нокдаунға түскеніне қарамастан, жекпе-жек барысын өзгертіп, жеңісті жұлып алды.

Ал 80 келіге дейінгі салмақ дәрежесінде Диас Молжігітов қарсыласын нокаутқа түсіріп, жекпе-жекті мерзімінен бұрын аяқтады.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба