Қазақстандық боксшының Азиададағы жеңісінен кейінгі биі желіде хитке айналды

Фото: ҰОК/ Сали Сабиров// видео кадры

Бокстан әлем және Азия ойындарының чемпионы Төрехан Сабырхан әлеуметтік желіде билеген видеосын жариялады. Ролик бір тәулікке жетпейтін уақытта жүздеген мың қаралым жинады, деп хабарлайды Tengri Sport.

20 жастағы қазақстандық бокстан Азия ойындарының алтынын иеленіп, кешенді жарыстарда кейінгі 12 жылда алғаш рет елімізге жоғары дәрежелі марапат сыйлаған спортшы атанды.

Жапониядағы жеңісінен кейін Төрехан демалыс алып, чемпионның тек рингте ғана емес, би алаңында да шеберлік көрсете алатынын дәлелдеп жүр.

"Биің өзіңе жарасады, чемпион!";

"Харизмасы от екен!";

"Өзің біл, жарайсың!";

"Жарайсың, бауырым! Сенің әр ісің ерекше", - деп тәнті болды әлеуметтік желі қолданушылары.

Жарияланған сәттен бастап Төрехан Сабырханның билеген видеосы 678 мың қаралым жинап үлгерді және бұл көрсеткіш әлі де өсіп жатыр.

Төрехан Сабырхан деген кім?

Төрехан Сабырхан 2026 жылғы Азия ойындарының чемпионы атанып, Қазақстан бокс құрамасының 12 жылға созылған алтынсыз сериясын тоқтатты.

Қазақстандық боксшы Төрехан Сабырхан Айти-Нагояда (Жапония) өткен XX жазғы Азия ойындарында 70 келіге дейінгі салмақ дәрежесінде алтын медаль иеленді. Финалда 20 жастағы спортшы төрешілердің бірыңғай шешімімен иорданиялық Зеяд Ишаишты жеңді.

12 жылдан кейінгі алғашқы Азиада алтыны: Төрехан Сабырхан қалай тарихқа енді?