Қазақстандық чемпион Өзбекстан беретін сыйақыны бір жыл күткен: не болды?

Осы жылдың қаңтар айында қазақстандық желаяқ 2025 жылғы 21-22 маусымда Ташкентте өткен Arzumanov Memorial турниріндегі жеңісі үшін шамамен 250 мың теңге (500 доллар), сондай-ақ 16-17 тамыздағы Road to Tokio турниріне қатысқаны үшін 500 мың теңгедей (1000 доллар) алуы тиіс екенін айтқан болатын.

Жеңіл атлетика федерациясы басшылықтың ауысуы мен демеушілер іздестіруді сылтау еткенімен, қарызды толық көлемде төлеуге бірнеше рет уәде берген.

Қазақстан жеңіл атлетика федерациясының баспасөз қызметі біздің сауалымызға берген жауабында өзбекстандық әріптестерімен байланысқанын және сәуір басында олар барлық төлем екі-үш апта ішінде жүзеге асырылады деп сендіргенін хабарлады.

Фото: instagram.com/adelinazems/

Нәтижесінде, жарыс өткеннен кейін бір жыл өткенде ғана спортшы өз гонорарына қол жеткізді.

"Маусым және тамыз айларындағы екі дода үшін төлемдер жасалды. Оған дейін екі рет төлейміз деп уәде берген болатын", - деді Аделина тілшімізбен әңгіме барысында.

- Биыл бұл турнирлерге бардыңыз ба? Осы жағдайдан кейін сенім қалды ма?

"Биыл бұл жарыстар болған жоқ. Бірақ мен оларға баруды жалғастырамын және мүмкіндігінше өнер көрсете беремін", - деп жауап берді спортшы.

Аделина Земс деген кім?

27 жастағы Аделина Земс - 400 метрге кедергілер арқылы жүгіруден эстафеталық команда құрамында бес дүркін Азия чемпионы. Ол өзінің әзірге соңғы алтынын Қытайда өткен Азия чемпионатында 4-ті 400 метрге жүгіруден аралас эстафеталық команда сапында жеңіп алды.

Қазіргі уақытта Аделина Жапонияда 19 қыркүйек пен 4 қазан аралығында өтетін Азия ойындарында өнер көрсетуге дайындалып жатыр.

Бұған дейін спортшы әлеуметтік желілерде Қарағандыда оның қашықтығы бойынша жаттығуға жағдай жоқ екенін - "Шахтер" стадионында жөндеу жұмыстары жүріп жатқандықтан, манежде жаттығуға мәжбүр болғанын айтқан еді. Жеңіл атлетика федерациясы чемпионға елордалық Спорт университетінің базасында жаттығуға мүмкіндік берді.