+7 (777) 001 44
99
70 келіге дейінгі салмақ дәрежесінде өнер көрсететін қазақстандық боксшы Абылайхан Жүсіпов Әлем кубогі кезеңінің ширек финалына шықты, - деп хабарлайды Tengri Sport.
Қазақстандықтың қарсыласы бразилиялық боксшы Кайан Рейес болды. Төрешілер бірінші раундты қазақстандықтың еншісіне жазды. Екінші кезеңде де төрешілер Жүсіповті басым деп танып, жеңісті соған берді.
Үшінші раундта Рейес тактикасын өзгертіп, қазақстандықты қыспаққа алып, ұзақ соққылар сериясын бастады. Дегенмен, қазақстандық спортшы қорғаныста тамаша өнер көрсетіп, қарымта шабуылға көшіп отырды.
Үш раундтың қорытындысы бойынша төрешілер 4:1 есебімен жеңісті Абылайхан Жүсіповке берді.
Айта кетейік, бүгін, 17 маусымда Қазақстан құрамасының тағы бір жекпе-жегі өтеді. 80 келіге дейінгі салмақ дәрежесінде Сабыржан Аққалықов өзбекстандық әлем чемпионы Жавохир Умматалиевпен кездеседі.
Instagram-дағы бұл жарияланымды көру
Абылайхан Жүсіпов - бокстан әлем чемпионы
Еске салайық, Абылайхан Жүсіпов 2025 жылғы желтоқсанда Дубайда Халықаралық бокс қауымдастығы (IBA) ұйымдастырған әлем чемпионатында мансабында алғаш рет титул жеңіп алған болатын. 71 келіге дейінгі салмақтың финалында ол ресейлік Сергей Колденковты 4:1 есебімен жеңді.
Instagram-дағы бұл жарияланымды көру
Еске салайық, World Boxing ұйымдастырған бокстан Әлем кубогының екінші кезеңі 15-21 маусым аралығында Гуйян қаласында (Қытай) өтеді. Жарысқа қатысатын Қазақстан құрамасы сапында 9 ер және 8 әйел боксшы бар.
