Қазақстандық екінші жыл қатарынан миллион долларлық турнирді жеңіп алды

Фото: instagram.com/danil.molodoy_

Қазақстандық киберспортшы, FURIA командасының мергені Данил "molodoy" Голубенко Thunderpick World Championship-2026 турнирінің чемпионы атанды, деп хабарлайды Tengri Sport.

FURIA командасы осымен екінші жыл қатарынан Thunderpick World Championship чемпионы болып отыр. Мальтада өткен тартысты гранд-финалда бразилиялық ұжым BETBOOM Team командасын 3:2 есебімен жеңіп, жүлде қоры бір миллион долларды құрайтын турнирдің басты сыйлығын иеленді.

Instagram-дағы бұл жарияланымды көру

FURIA CS2 (@furia.cs2) жазбасы

Қазақстандық мерген Данил Голубенко үшін бұл - Thunderpick World Championship-тегі қатарынан екінші титул. Ол FURIA сапына 2025 жылдың көктемінде қосылып, өткен жылы команданың турнирде жеңіске жетуіне бірден үлес қосты.

2026 жылғы финалда қазақстандық ойыншы жеңімпаздар құрамында фрагтар саны бойынша үздік атанды - 85.

Instagram-дағы бұл жарияланымды көру

molodoy (@danil.molodoy_) жариялаған жазба

FURIA ұтылып жатып, суперкамбэк жасады

FURIA алғашқы Dust2 картасында сенімді жеңіске жетті (13:6). BETBOOM бұған Ancient (овертаймда 19:16) және Nuke (13:9) карталарындағы жеңіспен жауап беріп, 2:1 есебімен алға шықты. Алайда бразилиялықтар берілмей, төртінші картада - Mirage-де жеңісті жұлып алды (13:11), ал шешуші Cache картасында қарсыластарын 13:6 есебімен тас-талқан етті.

Instagram-дағы бұл жарияланымды көру

FURIA CS2 (@furia.cs2) жазбасы

Турнирдің MVP атағын бразилиялық Кайке "KSCERATO" Серато иеленді - ол бұл марапатты дәл осы чемпионатта екінші жыл қатарынан алып отыр. FURIA 500 мың доллар (шамамен 227 миллион теңге) табыс тапты, оның 250 мыңы (113,4 миллион теңге) ойыншыларға, ал 250 мыңы ұйымға тиесілі. BETBOOM екінші орын үшін 250 мың доллар алды.